WIKA TUNGO SA PAGBABAGO

Post date: Dec 3, 2014 2:14:48 AM

Ni Judith P. Santiago

Teacher I-Science

CITY OF BALANGA NATIONAL HIGH SCHOOL

I

Wika ang ating tanging kasangkapan

Sa pakikipag-ugnayan at pakikipagtalastasan

Upang di pagkakaunawaan ay maiwasan

At maunawaan ang nilalaman ng puso at isipan.

II

Wika ang nagbubuklod kanino man

Anuman ang lahi kulay o bansang pinagmulan

Dapat magmahalan, magkapatawaran

Dahil sa ating lahat, Diyos lang ang lumalang.

III

Pakikipagtalastasan ang ating kailangan

Pag-aaral at pakikipamayan

Upang matamo yaring kaunlaran

Iisang wika dapat ang tinataglay.

IV

Wika din ang gamit sa pagnenegosyo

Mahusay na transakyon ng bawat-tao

Kasipagang taglay at pagkapursigido

Buhay natin ngayon ay unti-unting magbabago.

V

Wikang ating gamit ay sadyang mahiwaga

Bawat bigkasin natin dulot nito`y himala

Kaya sa Diyos lamang tayo dapat magtiwala

Pagkat dulot nito`y kapayapaan at pagpapala.